 அனிருத் - ஆண்ட்ரியா என்ற பெயர்கள் பரபரப்புக்கு பஞ்சமில்லாதவை. சில மாதங்களுக்கு முன்பு வெளியான அவர்களது படங்கள் அப்படிப்பட்டவை. அனிருத்தும், ஆண்ட்ரியாவும் லிப்-லாக் முத்தம் கொடுப்பது மாதிரி வெளியான அந்த ஃபோட்டோக்கள், அவர்களின் நட்பை உடைத்தெறிந்துவிட்டன. அதோடு ஆண்ட்ரியாவைவிட வயது குறைவான அனிருத்துடன் லிப்-லாக்கா என கோடம்பாக்கமே பரிகாசித்தது ஆண்ட்ரியாவை. அதன்பிறகு அனிருத் மன்னிப்பெல்லாம் கேட்டு தூது விட்டிருந்தாலும், ஆண்ட்ரியா எதற்கும் செவி சாய்க்காமல் இருந்தார். இப்படி வேறு வேறு பாதையில் சென்று விட்ட இருவரும் தற்போது மீண்டும் இணையவிருக்கின்றனர். கிருத்திகா உதயநிதி இயக்குனராக அறிமுகமாகும் ‘வணக்கம் சென்னை’ திரைப்படத்திற்கு அனிருத் தான் இசையமைப்பாளர். இசையமைப்பாளராக மட்டுமல்லாமல் பின்னணி பாடகராக 5 பாடல்களுக்கு அனிருத் குரல் கொடுக்கிறார். 5 பாடல்களில் ஒரு பாடலான ‘எங்கடி பொறந்த’ என்ற பாடலுக்கு அனிருத்துடன் ஆண்ட்ரியாவை பாட வைத்தது தான் இயக்குனர் வைத்த மிகப்பெரிய டுவிஸ்ட்(ஆஃப்-ஸ்கிரீனில்). இதில் ஆச்சர்யம் என்னவென்றால் ஆண்ட்ரியா எவ்வித நிபந்தனையுமின்றி அனிருத்துடன் இணைந்து பாட ஒப்புக்கொண்டது தான். கிருத்திகா இயக்கும் இத்திரைபடத்தில் சிவாவுக்கு ஜோடியாக ப்ரியா ஆனந்த் நடிக்கிறார்.
|
Labels: Cinema News
